வழிகளில் நீ நின்று

பூர்வ பாதைகளைக் கவனி

வேதம் காட்டும் நல்வழியில்

அனுதினம் நடப்பாயா? – என்

ஜீவனின் வாசலும் இடுக்கமே

அதின் வழியோ நெருக்கமுமானதே

அதை கண்டுபிடிப்போர் ஒருசிலரே

அவர்களில் ஒருவனாய் இருந்திடு

உலகம் காட்டும் வழிகள் எல்லாம்

மரண வழிகள் என்றுணர்ந்து

நானே வழி என்றவரின்

பாதச்சுவடை பின்பற்று - வழிகளில்

உன்நெஞ்சின் வழிகளில் நடவாதே

கண்களின் காட்சியில் நீ மயங்காதே

அவனவன் வழிக்கு தக்கதாக

பலனளிக்க கர்த்தர் வருகிறார்

இடப்புறம் வலப்புறம் சாயும் போது

வழியிதுவே நீ பின்பற்று

நானே வழி என்றவரின்

பாதச்சுவடை பின்பற்று - வழிகளில்